«Ханафий Мектеби» кайрымдуулук фонду
Илим таратуу менен катар, муктаж болгондорго жардам берүү да биздин ишибиздин бир бөлүгү. Ар бир акциянын толук финансылык отчёту жана кабыл алуу актылары ачык жарыяланат.
2026-жылдын июль айындагы биринчи акциянын жыйынтыгы.
Ар бир облуска жетүү
«Ханафий Мектеби» жамааты өлкөбүздүн 7 облусундагы балдар үйлөрүнө жана карылар үйлөрүнө үзгүлтүксүз кайрымдуулук иштерин уюштурууну ниет кылды. Бул бир жолку акция эмес — туруктуу иш.
Ар бир мекеменин муктаждыгы алдын ала такталат: жетекчилиги менен сүйлөшүлүп, чындап эмне керек экени аныкталат. Ар бир облустан 3 ыктыярчы барып, жардамды өз колдору менен тапшырат, фото жана видео отчет даярдайт.
- Муктаждык алдын ала такталат — керексиз нерсе алынбайт
- Жардам ыктыярчылар тарабынан өз колго тапшырылат
- Ар бир өткөрүү расмий акт менен таризделет
- Финансылык отчёт жана демөөрчүлөрдүн тизмеси ачык жарыяланат
Үч социалдык мекемеге жардам
«Алтын уя» балдар үйү
9 кг кир жуугуч машина тапшырылды.
Ымыркайлар үйү
Кондиционер — орнотуу иштери менен бирге тапшырылды.
Боорукердик карылар жана балдар үйү
12 кг кир жуугуч машина, предметтик дептерлер жана калем саптар.
Ар бир сом кайда жумшалды
Аманатты сактоо — эң башкы милдет. Ошондуктан отчёт толугу менен ачык.
| Аталышы | Сумма |
|---|---|
| Жалпы түшкөн каражат | 118 856 сом |
| 12 кг YASIN кир жуугуч машина | 28 500 сом |
| 9 кг LG кир жуугуч машина | 34 500 сом |
| TOSOT кондиционери | 28 400 сом |
| Кондиционерди орнотуу | 4 000 сом |
| Кеңсе буюмдары (дептер, калем) | 7 160 сом |
| Жол чыгымы | 1 500 сом |
| Жалпы чыгым | 104 060 сом |
| Калдык каражат (кийинки акцияга) | 14 796 сом |
Демөөрчүлөр тизмеси
206 адамдын толук тизмеси Telegram каналында PDF түрүндө жарыяланган.
Финансылык отчёт
Киреше-чыгаша боюнча толук эсеп.
Кабыл алуу актылары
Ар бир мекеме менен таризделген расмий документтер.
Ыраазычылык каттары
Мекемелердин жетекчилигинен келген расмий каттар.
Фонд эмнелерге жардам берет
Балдар жана карылар үйлөрү
7 облустагы социалдык мекемелерге үзгүлтүксүз жардам: тиричилик техникасы, кийим-кече, окуу куралдары.
Диний билим алган студенттер
Кыргызстандагы жана чет өлкөлөрдөгү окуу жайларда билим алып жаткан студенттерге колдоо.
Курман айт курмандыгы
Курман айт күндөрүндө курмандык чалуу уюштурулуп, эти студенттерге жана муктаждарга таратылат.
Окуучуларга акысыз орун
Мүмкүнчүлүгү чектелген окуучуларга окуу борборунда акысыз орун берүү.
Китеп жана окуу материалдары
Окуу китептерин басып чыгаруу, котормо жана материалдарды даярдоо.
Аймактарга жетүү
Ар бир облуста ыктыярчылар тобу түзүлүп, жардам түз колго тапшырылат.
Кайрымдуулукка кошулуңуз
Каалаган өлчөмдө. Ар бир сом эсепке алынат жана отчётко кирет.
مَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ
«Ким бир туугандын муктаждыгын өтөсө, Аллах анын муктаждыгын өтөйт.»
Бухари, Муслим