طَلَبُ الْعِلْمِ فَرِيضَةٌ عَلَى كُلِّ مُسْلِمٍ
Ислам илимдери алаканыңда
Ханафий фикхи, Матуриди акыйдасы, Куран жана араб тили боюнча онлайн окуу борбору. Классикалык китептердин негизинде, ижазалуу устаздардан — үйүңүздөн чыкпай туруп окуңуз.
Үзүлбөгөн санжыра
Илим устаздан шакиртке чынжырча менен өтөт
Классикалык китептер
Мазхабдын негизги булактары боюнча
Жандуу сабактар
Устаз менен түз байланышта, суроо-жооп
Өзүнчө топтор
Аялдарга устаза, мырзаларга устаз
Терең илим. Туура түшүнүк. Бекем негиз.
«Ханафий Мектеби» — ислам илимдеринин бай мурасын системалуу, түшүнүктүү жана заманбап форматта үйрөтүүгө багытталган билим берүү жана диний агартуу борбору.
Биздин максат — жөн гана диний маалымат берүү эмес, өз динин туура түшүнө алган, ишенимдүү булакты айырмалай билген, бекем илимий негизге жана жакшы адепке ээ инсанды калыптандыруу.
- Фикхта — Ханафий мазхабы, акыйдада — Матуридий мектеби
- Максад илимдери менен катар аалаат илимдери: араб тили, нахв, сарф, балагат, мантык
- Даяр жооп жаттатуу эмес — илимди түшүнүүгө үйрөтүү
- Кыргыз жергесинин жана Борбор Азиянын илимий мурасын сактоо
Төрт негизги багыт боюнча ырааттуу программа
Ар бир багыт баштапкы, орто жана жогорку деңгээлге бөлүнгөн. Кайсы деңгээлден баштоону устаз аңгемелешүүдөн кийин аныктайт.
Куран, Тажвид жана Ижаза
Тасхих (тамгаларды оңдоо) жана тажвид эрежелеринен башталып, Хафс кырааты боюнча толук ижазага чейин жеткирүүчү программа. Куранды жаттоо шарт эмес — туура окуй билүү жетиштүү.
- Тасхихул-хуруф жана махражтар
- Тажвид эрежелери жана колдонмо машыгуу
- Хафс кырааты боюнча ижазага даярдык
Ханафий фикхи жана усул
Ибадаттан баштап муамалатка чейин — мазхабдын мойнуна алынган матн китептери боюнча. Усулу фикх аркылуу өкүмдөрдүн кайдан чыкканын түшүнүү.
- «Нурул Изах» — ибадат негиздери
- «Мухтасарул Кудурий», «Канзуд-Дакаик»
- Усул: «Нурул Анвар» жана мисалдар
Матуриди акыйдасы
Ахлус-Сүннө валь-Жамааттын ишеним негиздери: Аллахтын сыпаттары, пайгамбарлык, кыямат жана акыйданын азыркы маселелери — далил менен, ашкерелөөсүз.
- «Бадуль Амали» жана «Акыйдатут-Тахавия»
- «Шархул Акаид ан-Насафия»
- Имам Матуридинин «Китабут-Тавхид» негиздери
Араб тили: сарф, нахви, балага
Ислам илимдеринин ачкычы. Максат — окуучу араб тилиндеги булак китепти котормосуз окуп, туура түшүнүп калуусу.
- Нахви: «Ажуррумия», «Катрун-Нада», «Альфия»
- Сарф: тартиптүү машыгуу менен
- Балага жана адаб илимдеринин негиздери
Пайгамбарыбызга ﷺ жеткен чынжырча менен
Ижаза — бул жөн гана күбөлүк эмес. Ал сиздин окууңуздун устаздан устазга уланып, Расулуллахка ﷺ чейин барган үзүлбөгөн санжыранын бир бөлүгү экенин тастыктайт. Куран-Ижаза курсун толук аяктап, экзамендан ийгиликтүү өткөн окуучуга Хафс кырааты боюнча санжыралуу ижаза берилет.
- Куранды туура окуй билүү (болжол менен 3 мүнөттө 1 бет)
- Буга чейин тажвид өткөн болуу
- Куранды толук жаттоо шарт эмес
- Деңгээли жетпегендер үчүн даярдоочу тажвид/тасхих курсу
Окууга кирүү — төрт кадам
Кайрылуу
WhatsApp же телефон аркылуу байланышып, кайсы багытта окугуңуз келерин айтасыз.
Деңгээлди аныктоо
Устаз менен кыска аңгемелешүү өтөт: буга чейинки билимиңиз жана максатыңыз такталат.
Топко кошулуу
Ыңгайлуу убакытты жана тарифти тандап, өз деңгээлиңиздеги топко кошуласыз.
Окуу жана күбөлүк
Үзгүлтүксүз сабак, үй тапшырма, экзамен. Аягында ижаза же курс күбөлүгү берилет.
Эмне үчүн «Ханафий Мектеби»?
Ижазалуу устаздар
Сабак берүүчүлөр Иордания жана Кыргызстандагы таанылган шейхтерден таалим алып, ижаза күбөлүгүнө ээ болгон адистер.
Классикалык программа
Мазхабдын мойнуна алынган матн жана шарх китептери — бир нече кылым бою сыналган ырааттуулук менен.
Аялдарга өзүнчө топ
Аялдарга устаза, мырзаларга устаз сабак берет. Ыңгайлуу жана шариятка ылайык формат.
Жандуу онлайн сабак
Жазылган видеону көрүү эмес — устаз менен түз байланыш, суроо берүү жана дароо жооп алуу мүмкүнчүлүгү.
Жеткиликтүү баа
Айлык акы ар бир үй-бүлөгө ыңгайлуу болушу үчүн эң аз деңгээлде кармалат.
Дүйнөнүн ар жеринен
Кыргызстанда, Россияда, Түркияда, Европада — интернет бар жерде сабакка кошула аласыз.
Ачык жана түшүнүктүү тарифтер
Төмөндөгү тарифтер Куран-Ижаза жана Тажвид курстары үчүн жарактуу.
Жумасына 3 күн
- Жумасына 3 жандуу сабак
- Устаз менен жеке машыгуу
- Үй тапшырма жана текшерүү
- Аялдарга устаза, мырзаларга устаз
Жумасына 4 күн
- Жумасына 4 жандуу сабак
- Тезирээк илгерилөө темпи
- Ижазага даярдыкка ыңгайлуу
- Үй тапшырма жана текшерүү
Фикх · Акыйда · Араб тили
- Топтун деңгээлине жараша
- Жума сайын туруктуу сабактар
- Курс күбөлүгү берилет
Абдулазиз Калмурза уулу
Иордания мамлекетиндеги Дүйнөлүк Ислам илимдер университетинин (The WISE University) Ханафий юриспруденциясы факультетин бакалавр (2018–2021) жана магистратура (2021–2024) деңгээлинде имтияз — кызыл диплом менен аяктаган. Учурда докторантурага тапшыруу алдында турат.
- Хафс кырааты боюнча Пайгамбарыбызга ﷺ жеткен санжыра менен ижаза алган
- Фикх, усул, акыйда, хадис, мантык жана араб тили боюнча Иордания менен Кыргызстандагы көптөгөн шейхтерден таалим алган
- «Мавераннахр» ислам илимдер мурасын жана эски кол жазмаларды изилдөө борборунун мүчөсү
- «Ифта уа Тафких» институтунун сайтында ыктыярчы модератор
مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ بِهِ طَرِيقًا إِلَى الْجَنَّةِ
«Ким илим издеп бир жолго түшсө, Аллах ага бейишке баруучу жолду жеңилдетет.»
Муслим риваятыОкуудан сырткары да чогуубуз
Telegram каналы
Күн сайын: дарстар, илимий макалалар, суроо-жооптор, акыл-таймаштар. 4 600дөн ашуун окурман.
Каналга кошулууХанафий Сабактар
Кошумча сабактар, топтор жана окуу материалдары үчүн атайын ачылган канал.
Каналга кирүүYouTube каналы
Видео дарстар жана жазылып алынган сабактар — каалаган убакта кайра көрүүгө болот.
КөрүүКуран Хатым долбоору
14 группа, 2 390дан ашуун бүткөн хатым. Ар үч-беш күндө бир хатым толуп, Палестинага, маркумдарга жана тизмедегилерге дуба кылынат.
Толук маалымат